19-га лютага да Міжнароднага дня роднай мовы, курсы беларускай мовы “Мова Нанова” ў Лідзе на сваіх занятках у банкетнай залі кафэ Тутака далучыліся да 13-й Агульнанацыянальнай дыктоўкі.
Для напісання Агульнанацыянальнай дыктоўкі Таварыствам беларускай мовы імя Ф. Скарыны былі прапанаваныя на выбар чатыры тэксты:
– Аляксей Карпюк “Данута”;
– Васіль Быкаў “На Чорных лядах”;
– Уладзімір Караткевіч “Беларуская песня”;
– Мікола Гусоўскі “Песня пра зубра”.
Выбар курсаў “Мова Нанова” ў Лідзе паў на тэкст Васіля Быкава “На Чорных лядах”. Дыктоўку распачалі вершам Уладзімера Караткевіча “Дзе мой край”, які цудоўна прачытала выкладчыца курсаў Марыя Ганчар.
Пасля напісання дыктоўкі адбылася прэзентацыя цудоўнай песні Людмілы Краснадубскай “Беларусь” у выкананні самой аўтаркі.
Дыктоўку напісалі ўсе на выдатна!
Да ўсяго да Дня роднай мовы ў Лідзе адбудзецца штогадовы квэст для лідзянаў, 22-га лютага, які ладзіць партал Say.by. Свае пляцоўкі для правядзення квэсту прадаставяць кафэ хуткага харчавання Тутака, кавярня Добрая кава, кафэ Тамака.
