3-га лістапада, у нядзелю, у Менску адбудуцца мэмарыяльныя шэсьце і мітынг, прысьвечаныя Дню памяці продкаў Дзяды.
Збор удзельнікаў а 11.30 каля Гадзіннікавага завода (ст. мэтро “Парк Чалюскінцаў”). Пачатак шэсця а 12.00. Шэсце пройдзе па пр. Незалежнасці-вул. Каліноўскага-вул. Гамарніка-вул. Мірашнічэнкі. 15.00 – 17.00 – мэмарыяльны мітынг на тэрыторыі Народнага мэмарыялу ў Курапатах.
Мерапрыемства арганізоўвае Кансэрватыўна-Хрысціянская Партыя – БНФ.
Атрыманы дазвол Менгарвыканкама.
Заклікаем усіх далучыцца да мэмарыяльных мерапрыемстваў.
Чаму мы ўшаноўваем нашых Дзядоў? І чаму трэба памятаць нашых Дзядоў?
Таму што нашы Дзяды мудрыя. Наша цела і наш розум ад нашых Дзядоў.
Яны нам кажуць: Трымайцеся свайго, яно для нас лепшае. Беражыце нашу зямлю, нашу мову, нашу культуру – тут наш розум і наша моц. Бараніце нашы каштоўнасці ад прышэльцаў як з усходу, так і з захаду. Нашы нацыянальныя каштоўнасці належаць і нашым будучым пакаленням.
Слава нашым Дзядам! Жыве Беларусь!
Інфармацыйная камісія Кансэрватыўна-Хрысціянскай Партыі – БНФ
28 кастрычніка 2019 г.
