Па ўласным назіранням, кожны трэці чалавек, што бываў у Стоўбцах праездам, на пытанне “Што вам найбольш запомнілася тут?”, адказвае: “Ваш незвычайны кінатэатр”. Будынак, вядомы нам па дыскатэках, вячэрніх кінапаказах, у сярэдзіне нулявых з’яўляўся адным з цэнтраў моладзевага жыцця, сёння перажывае няпросты час. Рэхам даносяцца чуткі аб рэалізацыі праекта рэканструкцыі гарадской плошчы ў межах якой драўляны кінатэатр, пабудаваны яшчэ ў першыя пасляваенныя гады, запланаваны пад знос. У спробах асэнсавання каштоўнасці будынка, пошуку гістарычных каранёў стылістыкі яго архітэктурных формаў, у верасні 2018 г. нарадзілася выстава “100 год Віцебскаму авангарду”.
Як мастацкі феномен першай чвэрці мінулага стагоддзя звязаны са стаўбцоўскім кінатэатрам “Беларусь” у сваім праекце распавядае сябар ТБМ Аляксей Зянько.
