У Беластоцкім універсітэце праходзіць трэцяя серыя навуковых сустрэч «Польска-беларускі дыялог гісторыкаў па складаных пытаннях». У канферэнцыі ўдзельнічаюць навукоўцы з Беларускага дзяржаўнага ўніверсітэта, універсітэтаў з Беластока, Торуня ды Ополя, а прадметам іх абмеркавання з’яўляюцца падзеі 1917-1921 гадоў.
Дыскусія закранула між іншым падзеі польска-бальшавіцкай вайны 1920 года ды штодзённае жыццё жыхароў памежжа, расказвае адзін з арганізатараў канферэнцыі, дэкан гістарычнага факультэта БДУ прафесар Аляксандр Каханоўскі: – Нам, сучаснікам, вельмі цяжка зразумець, ацаніць асабліва дзеянні тых лідараў, тых палітычных дзеячоў. Мы іх ацэньваем з пункту гледжання сучаснага дня. А трэба разумець, наколькі быў складаны час. І якраз вось дзеля гэтага і збіраюцца і польскія, і беларускія гісторыкі.
Чытай больш на: https://www.racyja.com/sumezhzha/belaruskiya-i-polskiya-gistoryki-abmya-2/
