18 красавіка ва ўсім свеце адзначаецца Міжнародны дзень помнікаў і гістарычных мясцін.
У ДУ “Лідскі гісторыка-мастацкі музей” да гэтай даты былі арганізаваны экскурсіі “Павятовы горад Ліда”, “Сучаснае мастацтва краю”. У наведвальнікаў музея была магчымасць завочна пападарожнічаць па вуліцах Ліды канца ХІХ – пачатку ХХ ст. і ўбачыць найбольш значныя помнікі архітэктуры – Лідскі замак, сабор Міхаіла Арханёла, касцёл Узвіжання Святога Крыжа і іншыя мясціны рэгіёна. Гэты дзень дае нам магчымасць яшчэ раз нагадаць пра каштоўнасць спадчыны нашай Лідчыны.
ТК “Культура Лідчыны”.