Недалёка ад Канадыйскай мяжы, на поўначы штату Нью Ёрк, недалека ад Ніагарскага Вадаспаду, маратонец, а таксама старшыня Лідскай арганізацыі Таварыства беларускай мовы Лявон Анацка прыняў удзел у маратоне на 100 міль (160 км) (none-stop) без перадыху.
Арганізатар маратону — некамерцыйная дабрачынная арганізацыя Bluefoundation, місія якой заключаецца ў дапамозе і падтрымцы мясцовых сем’яў у каторых ёсць хворыя на рак, і адначасова, каб павысіць дасведчанасць пра мужчынскае здароўе. Арганізацыя збірае сродкі арганізоўваючы спартыўныя мерапрыемствы, такія як 100 мільны (160 кіламетровы) маратон Mighty Mosquito (Магутны Маскіт).
Распачаўся маратон 3-га жніўня а 6-ай раніцы. Па ўмовах маратону на дыстанцыю ў 100 міль адводзілася 30 гадзін часу. Маршрут складаўся з бегу па лясных сцежках, праз камяні і бярвеньні, з перападамі ў пад’ёме больш за 1300 метраў. Бег без перапынку на сон. Ва ўмовах ночы спартоўцы асвятлялі сабе шлях аўтаномнымі ліхтарыкамі, якія замацоўваліся на галаве.
Галоўны прынцып маратону — “Перамога тут не галоўнае, галоўнае – ўдзел”.
У падтрымку сп. Лявона самы непасрэдны ўдзел у арганізацыі самой паездкі на маратон Mighty Mosquito прымаў Катэдральны Сабор Святога Кірылы Тураўскага БАПЦ (Беларускай аўтакефальнай праваслаўнай царквы) у Нью Ёрку. Сп. Зянон Пазьняк, старшыня Кансэрватыўна-Хрысціянскай Партыі — БНФ, тэлефанаваў увесь час са словамі падтрымкі, цікавіўся і клапаціўся аб самаадчуваньні Лявона…
На жаль маратонец Лявон не дабег 9 міль, сударга звяла ногі…
Як распавёў стараста Катэдральнага Сабора Святога Кірылы Тураўскага сп. Аляксандр Хамчанка, які быў на самым маршруце ў групе падтрымкі разам са сваёю жонкаю Людмілай: “Дыстанцыя сапраўды выдалася вельмі складаная. На працягу ўсёй дыстанцыі дзяжурылі медыкі. Арганізатары прыгатавалі таксама ўсе неабходнае: ежа, вада, гарбата, кава, сокі, садавіна, гародніна. Спартоўцы беглі па цяжкім маршруце. Тое што прадэманстраваў Лявон на маратоне, гэта быў сапраўдны подзьвіг. Ён мог бегчы і далей, заставалася толькі адно кола ў 9 кіламетраў, але вырашылі проста не рызыкаваць, бо гэта сапраўды не было прынцыповым.”
Аўто групы падтрымкі з нумарам “Беларус”
У якасці эмацыйнага падарунку, каб падтрымаць спартовы дух сп. Лаявона, пасля маратону была арганізавана экскурсія на знакаміты цуд свету Ніагарскі Вадаспад.
21 спартовец узялі старт у маратоне Mighty Mosquito на 100 міль, але здолелі дабрацца да фінішу 11.
Лідзянін Лявон Анацка ў ЗША быў адзіны ўдзельнік маратону Mighty Mosquito, як замежнік і які ўпершыню прадставіў на ім нашу краіну Беларусь.
