Мясціна Гайкі каля вёскі Еськавічы Нясвіжскага раёна – месца расстрэлу фашыстамі 80 чалавек нясвіжскай інтэлегенцыі (58 мужчын, 18 жанчын, 4 ксяндзы) у ноч з 4 на 5 жніўня 1942 года. На брацкай магіле паступова аформіўся грунтоўны мемарыял, які падтрымліваецца ва ўзорным парадку. І хоць 22 чэрвеня тут было ціха, але жывыя кветкі, якія не паспелі завянуць, цвердзілі, што за дзень ці два людзі тут былі.
Мемарыял засаджаны папараццю – сімвалічнай раслінай Беларусі. І тут гэтая папараць безумоўна цвіце – цвіце людской памяццю.
Яраслаў Грынкевіч.
