У філіяле “Інтэграваная бібліятэка аг.Дворышча” адбылася экскурсія “Цуды ў “Чытай-горадзе””, на якую былі запрошаны выхаванцы дзіцячага садка. Маленькім наведвальнікам паказалі, што ў бібліятэцы жывуць кнігі, з якімі можна цікава правесці час. Кнігі нам даюць веды, у доказ таму дзеці пырскалі на папяровыя кветачкі вадой і яны распускалі свае пялёсткі, кнігі натхняюць на гульні і творчасць, кнігі могуць перанесці нас у любы час, ці то ў любую краіну.
Цікава было апынуцца і ў музейным пакоі “Спадчына” ды пазнаёміцца з прыладамі працы нашых продкаў, патрымаць у руках старыя рэчы, закалыхаць немаўля і ўбачыць беларускага Дзеда Мароза – Зюзю.
ТК “Культура Лідчыны”.
