28 лістапада ў філіяле “Лідская гарадская бібліятэка №1” прайшло падарожжа па творчасці Міхася Лынькова “Шчодрае сэрца Міхася Лынькова”, прысвечанае 125-годдзю з дня нараджэння класіка беларускай літаратуры, Народнага пісьменніка Беларусі Міхася Ціханавіча Лынькова. Дзеці пазнаёміліся з біяграфіяй пісьменніка, даведаліся пра яго творчасць. Больш падрабязна пазнаёміліся з яго творамі “Міколка-паравоз”, “Пра смелага ваяку Мішку і яго слаўных сяброў”. Праглядзелі фрагменты фільма “Міколка-паравоз”.
Дзяцей так зацікавілі гісторыі галоўных герояў, што яны ўзялі гэтыя творы пачытаць. Для наведвальнікаў была падрыхтавана кніжная выстава “Прамяністае святло таленту”, на якой былі прадстаўлены творы аўтара.
ТК “Культура Лідчыны”.
