2 лютага, у Міжнародны дзень водна-балотных рэсурсаў, філіял “Інтэграваная бібліятэка аграмястэчка Дворышча” запрасіў вучняў 3-4 класаў мясцовай школы на экалагічную вандроўку “У госці да Дзеда-прыродаведа”. У сваім выступленні бібліятэкар звярнула увагу дзяцей на тое, што Беларусь нездарма далучылася да Рамсарскай канвенцыі, якая ставіць сабе за мэту захаванне водна-балотных угоддзяў , а у народзе 2 лютага католікі адзначаюць Стрэчанне. Гэта дзень, у які вада валодае цудадзейнай сілай.
Бібліятэкар прапанавала дзецям паслухаць вершы М. Багдановіча, Я. Коласа, урыўкі з твораў У. Караткевіча, Я. Сіпакова, У. Ягоўдзіка, легенды і паданні, дзе прыгожа і яскрава аўтары расказваюць пра прыгажосць нашых рэк, азёр, крыніц і балот. А таксама звяртаюць увагу на цесную сувязь чалавека з прыродай, бо мы павінны не толькі ганарыцца такім багаццем, але і рабіць усё магчымае, каб зберагчы яго.
Наш кар.
