4 чэрвеня 2020 года Пасол Манфрэд Хутарэр у рамках урачыстай цырымоніі ўручыў старшыні дырэкцыі Менскага міжнароднага адукацыйнага цэнтра імя Іаганеса Рау Віктару Балакіраву Крыж за заслугі перад Федэратыўнай Рэспублікай Германія на стужцы.
У сваёй прамове Пасол адзначыў шматгадовую працу Віктара Балакірава, якая накіравана на прымірэнне паміж немцамі і беларусамі, і яго дзейнасць у якасці дырэктара ММАЦ, які з’яўляецца найважнейшай двухбаковай платформай для грамадскага супрацоўніцтва.
Асабліва Пасол Хутарэр адзначыў унёсак Віктара Балакірава ў стварэнне мемарыяльнага комплексу на месцы былого нацыянал-сацыялістычнага лагера смерці “Малы Трасцянец”.
Сайт амбасады ФРГ.
