се аператары мабільнай сувязі Беларусі выступілі з ініцыятывай падтрымаць медработнікаў, якія цяпер заняты змаганнем з COVID-19, і забяспечыць ім магчымасць быць на сувязі і анлайн без дадатковых затрат для максімальна эфектыўнай камунікацыі.
Безліміт сувязі і 500 бясплатных рабочых смартфонаў прадаставіць А1. Плануецца, што камплекты сувязі будуць выкарыстоўвацца ў самых гарачых зонах, дзе праходзіць лячэнне пацыентаў з віруснай інфекцыяй, – у аддзяленнях інтэнсіўнай тэрапіі, інфекцыйных аддзяленнях, пры рабоце на хуткай медыцынскай дапамозе, у лабараторыях, дзе праводзіцца тэсціраванне аналізаў на COVID-19. Такі падыход дасць магчымасць мінімізаваць выкарыстанне асабістых тэлефонаў і знізіць рызыку распаўсюджвання інфекцыі за межамі інфіцыраваных зон. Першыя смартфоны перададуць ужо сёння. Раней аператар зрабіў бясплатнымі званкі для жыхароў Беларусі на гарачыя лініі па пытаннях прафілактыкі інфекцыі COVID-19 і аказаў дабрачынную дапамогу Менскай гарадской клінічнай інфекцыйнай бальніцы. Life ўжо налічвае ўсім медыцынскім работнікам Беларусі, абанентам любога тарыфнага плана, безлімітныя званкі ва ўсе сеткі і інтэрнэт-трафік, не абмежаваны па скорасці, які можна раздаваць на іншыя ўстройствы. Безлімітны інтэрнэт і 3000 мінут ва ўсе сеткі краіны плануе прадаставіць для медыкаў на карпаратыўных планах МТС. Дадатковымі бонусамі можна будзе скарыстацца з пачатку траўня і да канца лета. Акрамя таго, для патрэб медыкаў кампанія мае намер перадаць 100 планшэтаў. Міністэрства аховы здароўя выказвае падзяку ўсім мабільным аператарам за своечасовую дапамогу беларускай ахове здароўя. Такія ініцыятывы адыгрываюць важную ролю ва ўмовах барацьбы з каранавіруснай інфекцыяй.
belta.by
Чытай больш
