Беларускі паэт, празаік і мовазнаўца Змітрок Бядуля праз 77 год пасля смерці вяртаецца ў Беларусь. Падрабязнасці падзеі будуць агучаны пад час прэс-канферэнцыі 27 лютага 2020 г. а 12-й гадзіне ў Дзяржаўным музеі гісторыі беларускай літаратуры.
У прэс-канферэнцыі прымуць удзел:
– Старшыня Фонду Марыі Магдалены Радзівіл Аляксандр Сапега;
– Часовы павераны ў справах Беларусі ў Швейцарыі Павел Мацукевіч;
– сын беларускага класіка Яфім Плаўнік;
– дырэктар Дзяржаўнага музея гісторыі беларускай літаратуры Міхаіл Рыбакоў;
– кіраўнік філіяла «Беларуская хатка» Таццяна Лабада.
Пад час прэс-канферэнцыі ўдзельнікам будуць паказаны здымкі з месца эксгумацыі і транспарціроўкі ў Беларусь.
Калі: 27 лютага, а 12-й гадзіне.
Месца правядзення: Дзяржаўны музей гісторыі беларускай літаратуры (вул. М. Багдановіча, 13)
Тэлефон: (017) 334 72 61.
Просім прадстаўнікоў СМІ абавязкова падцвердзіць удзел у прэс-канферэнцыі па эл.пошце bellitmuseum@tut.by (з пазнакай «прэс-канферэнцыя»)
Крыніца: ФБ – “Міхаіл Рыбакоў”
