22-га лютага да Міжнароднага дня роднай мовы ў Лідзе адбыўся штогадовы квэст ад платформы падтрымкі жывой беларускай мовы Say.by. Згуляць у квэст маглі ўсе жадаючыя без узроставых абмежаванняў.
Каб прайсці квэст трэба было абысці тры лакацыі: адшукаць QR коды ў кафэ хуткага харчавання “Тутака“, у кавярні “Добрая Кава” і кафэ “Тамака“. Усяго было 13 пытанняў і за кожны правільны адказ удзельнікі раскрывалі сімвал закадаванай фразы квэсту. Прайшоўшы пасяпяхова ўсе выпрабаванні можна было атрымаць – Я ❤️ ❤️ РОДНУЮ МОВУ
Афіша квэсту Say.by
У пытаннях трэба было: адгадаць беларускія загадкі; пакуль гучыць урывак песні беларускай выканаўцы Palina – “Як ты” або ўрывак з перакладзенага фільму “Вядзьмар” студыяй дыктарскага агучвання па-беларуску Gavarun.by адшукаць ў прапанаваных тэкстах словы, якія не супадаюць з арыгіналам. Напісаць правільна пад дыктоўку знакамітыя цытаты і шмат інш..
Фота: instagram “Добрая кава”
Квэст доўжыўся ўвесь дзень і ў закрыццё працоўнага часу кафэ “Тутака” – 0:00, час квэсту быў завершаны. Падсумоўваючы вынікі былі вызначаныя 8 паспяховых удзельнікаў сярод каторых былі вылучаны прызёры 1-га, 2-га і 3-га месца, якія справіліся першыя:
1. Ксенія
2. Валерыя
3. Дар’я
4. Антон
5. Дзіяна
6. Зміцер
7. Вікторыя
8. Антон
23-га лютага ў банкетнай залі кафэ хуткага харчавання “Тутака” адбылося ўрачыстае ўзнагароджанне. Кіраўнік платформы Say.by Аляксандар Шостаковіч прывітаў усіх пераможцаў квэсту з Міжнародным днём роднай мовы і выдатна завершаным квэстам. Усе паспяховыя ўдзельнікі атрымалі арыгінальныя прызы ад платформы Say.by. А заняўшыя 1-е, 2-е і 3-е месцы ў дадатак атрымалі грашовыя сэртыфікаты ад Тутака па 10 рублёў, Добрай кавы па 5 рублёў і Тамака па 10 рублёў.
Мы шчыра дзякуем усім хто прыняў удзел у квэсце ў падтрымку беларускай мовы.
З Міжнародным днём роднае мовы!
