Суд горада Шэньчжэня прысудзіў кітайскага вучонага Хэ Цзянькуя да трох гадоў турмы і штрафу ў 3 млн юаняў (каля 430 тыс. даляраў) за правядзенне незаконнага эксперыменту з нараджэннем дзяцей з эмбрыёнаў з адрэдагаваным геномам.
Акрамя таго, турэмныя тэрміны і штрафы атрымалі яшчэ двое навукоўцаў, якія працавалі з Хэ Цзянькуем – Чжан Жэньлі і Цынь Цзіньчжоу.
Усе трое парушылі парадак правядзення генетычных эксперыментаў і этычныя нормы “ў пагоні за асабістай славай і выгадай”, гаворыцца ў прысудзе суда, які цытуе агенцтва Сіньхуа.
Генетычныя эксперыменты над чалавечымі эмбрыёнамі заканадаўча забароненыя ў большасці краін свету, у тым ліку і ў Кітаі.
