На гэтыя і іншыя пытанні дае адказ інтэрактыўная гульня-спектакль “Ці добра быць суслікам?” (аўтар Васіль Дранько-Майсюк). Гульня-спектакль распавядае дзеткам і дарослым пра тое, што варта ведаць і рабіць, каб жыць стала больш камфортна і бяспечна.
Так, 16 ліпеня наведнікі дзіцячай бібліятэкі № 2 г. Мінска патрапілі ў незвычайнае падарожжа разам з Васілём Дранько-Майсюком і Ганнай Харланчук-Южаковай у межах праекта “Маё права”. Усё пачалося з пытання: “А якія свае правы вы ведаеце?”. Апынулася, што школьнікам цяжка разабрацца ў такіх панятках як правы чалавека і правы дзіцяці. Каб дапамагчы разабрацца ў гэтым, а таксама з пытаннямі: “навошта існуюць правы чалавека”, “хто іх прыдумаў” і інш, сябры грамадскай культурніцкай кампаніі “Будзьма беларусамі!” Васіль і Ганна разыгралі для дзетак спектакль пра … суслікаў! Там была і злая настаўніца, і мудры егіпцянін, і вучні-неслухі, і супергероі… Гледачы разам з акторамі баяліся, хваляваліся, смяяліся, лёталі, задумваліся, лавіліся, прабачалі. А напрыканцы імпрэзы кожны атрымаў падарунак – размалёўку “Ян, Яніна, Васіліна: правы чалавека і дзіцяці ў малюнках”.
больш тут
