Беларусь і Савет Еўропы распрацуюць дарожную карту па адмене смяротнага пакарання, паведаміла журналістам кіраўнік аддзела каардынацыі і міжнароднага супрацоўніцтва Генеральнага дырэктарата па правах чалавека і захаванні законнасці СЕ Таццяна Тэрмачыч перад пачаткам канферэнцыі „Грамадская думка і смяротнае пакаранне” 27 жніўня ў Менску. Канферэнцыя арганізаваная рабочай групай Нацыянальнага сходу Беларусі па вывучэнні праблематыкі смяротнага пакарання сумесна з Саветам Еўропы. У ёй удзельнічаюць беларускія парламентарыі, прадстаўнікі сакратарыята СЕ, дзяржаўных органаў і арганізацый, структур грамадзянскай супольнасці і эксперты.
Чытай больш
