“ВелаГродно” запрашае далучыцца да паездак на ровары па ваколіцах Гродна і не толькі. Велааматары плануюць у жніўні-верасні правесці не менш за пяць мерапрыемстваў. Гэта будуць як аднадзённыя пакатушкі на роварах, так і велапаходы з начлегам.
«Пакатушкі плануюцца кожныя выхадныя ў жніўні і верасні. У мінулым годзе мы запусцілі гэты праект і за 10 паездак у нас было 160 удзельнікаў. У гэтым годзе вырашылі працягнуць. Запрашаем на нашу першую пакатушку. Кожны ўдзельнік атрымае памятны магніцік», – распавёў прадстаўнік “ВелаГродна” Андрэй Шавель.
У суботу 17 жніўня “ВелаГродна” плануе першую паездку па тэрыторыі Гродзенскай пушчы. Даўжыня маршруту 50 км. Удзельнікі наведаюць 5 крыніц. На месцах будзе арганізавана дэгустацыя вады з крыніц.
Збор удзельнікаў 17 жніўня ў 10:00 на Дзевятоўцы каля скульптур герояў фільма “Белыя Росы”.
