Ужо ў кастрычніку ў Беларусі пройдзе перапіс насельніцтва. У гэтым годзе беларусаў чакае новаўвядзенне: запоўніць апытальныя лісты можна будзе трыма спосабамі. Пра гэта паведамілі ў Белстаце, піша tut.by.
Перапіс насельніцтва пройдзе з 4 да 30 кастрычніка. Беларусы змогуць самастойна запоўніць апытальныя лісты за сябе і сваіх сваякоў праз інтэрнэт, паведаміць дадзеныя пра сябе ў стацыянарным участку ў сваім горадзе ці дома дачакацца перапісчыка.
Ахвотныя запоўніць апытальны ліст у інтэрнэце змогуць зрабіць гэта да 18 кастрычніка. Паведаміць дадзеныя пра сябе ў стацыянарным участку можна будзе аж да 30 кастрычніка. Перапісчыкі далучацца да працэсу з 21 кастрычніка. Тыя, хто да 18 кастрычніка запоўніць анкету ў інтэрнэце ці да 20 кастрычніка паведаміць свае дадзеныя ў стацыянарным участку, будуць выдалены са спісаў, каб іх не наведвалі перапісчыкі.
Адрас сайта, дзе можна будзе самастойна запоўніць апытальны ліст, спецыялісты назавуць пазней, як і спіс адрасоў стацыянарных участкаў. Інфармацыя з’явіцца на сайце Белстата і будзе апублікаваная ў СМІ. Пакуль вядома, што стацыянарныя ўчасткі, магчыма, будуць размешчаны ў ЖЭСах, паліклініках, універсітэтах і школах. У Мінску, напрыклад, арганізоўваюць 105 такіх участкаў.
Будзе працаваць таксама кол-цэнтр, дзе адкажуць на ўсе пытанні аб перапісу насельніцтва, там таксама можна будзе ўдакладніць, калі паўсталі сумневы, дадзеныя перапісчыка, каб не ўпусціць у хату махляра.
больш тут
