Упершыню у гэтым годзе бібліятэкі ДУК “Карэліцкая раённая бібліятэка” далучыліся да акцыі “Бібліяноч – 2019” і правялі для сваіх чытачоў шэраг цікавых і змястоўных мерапрыемстваў. Менавіта хочацца адзначыць, што ўсе мерапрыемствы пачаліся ў 17.00 гадзін.
У Карэліцкай раённай бібліятэцы чытачоў чакаў адпачынак на “Прывале каля вогнішча”, песні пад караоке ваенных гадоў, “Сцяна памяці” з фотаздымкамі помнікаў і абяліскаў Карэліцкага раёна, а таксама салдацкая каша.
У дзіцячай бібліятэцы вучні мясцовых школ змаглі паўдзельнічаць у акцыі “Чытаем кнігі аб вайне”, пазнаёміцца з ваенна-палявой поштай і напісаць пісьмо-пажаданне ветэранам Вялікай Айчынная вайны. Але самым галоўным ўражаннем для дзяцей стала салдацкая каша, якую кожны змог пакаштаваць.
Мірская гарпасялковая бібліятэка арганізавала літаратурна-музычную гасцёўню “У тым краі, дзе жывеш”. Прысутныя на мерапрыемстве даведаліся пра гісторыю родных мясцін, культурныя традыцыі свайго краю, вядомых землякоў-продкаў і суайчыннікаў, якія шмат зрабілі дзеля Бацькаўшчыны, дабра і хараства на Зямлі.
У Райцаўскай сельскай бібліятэцы ўвесь вечар гаворка вялася пра звычаі і абрады нашага народа – Вербніцу і Вялікдзень.
Хочацца дадаць, што ўсе мерапрыемствы прысвячаліся самым галоўным святам гэтага года: 75 – год-дзю вызвалення Беларусі ад нямецка-фашысцкіх захопнікаў і 75-годдзю ўтварэння Гарадзенскай вобласці.
Цікава і змястоўна правесці зорны вясенні вечар побач з літаратурнымі героямі, музыкай і мастацтвам змаглі ўсе ахвочыя.
Наталля Казарэз,
метадыст ДУК
“Карэліцкая раённая бібліятэка”.