Шведская кампанія Saab разгарнула серыйную вытворчасць знішчальнікаў Gripen новага пакалення – Gripen E. Пра гэта, як піша Flightglobal, заявіў генеральны дырэктар кампаніі Хакан Бюске. Паводле яго слоў, выпуск новых самалётаў вядзецца з пачатку студзеня 2019 года. У рамках ужо атрыманых кантрактаў кампанія павінна сабраць 60 самалётаў для ВПС Швецыі і 36 знішчальнікаў для ВПС Бразіліі. Як чакаецца, першыя Gripen E будуць перададзеныя заказчыкам у канцы бягучага года. ВПС Швецыі плануюць прыняць на ўзбраенне новы самалёт ў 2021 годзе.
Пачалася серыйная вытворчасць знішчальнікаў Gripen новага пакалення
