На чарговай Радзе ТБМ імя Ф. Скарыны 27 студзеня кандыдат гістарычных навук Алег Анатольевіч Трусаў, які выконвае абавязкі рэктара Універсі-тэта імя Ніла Гілевіча, распавёў пра дзейнасць, якую вядзе ТБМ па фарміраванні новай навучальнай установы.
– Пры Таварыстве беларускай мовы зараз дзейнічаюць курсы, на якіх займаюцца 75 наведвальнікаў. Гісторыя Беларусі, хімія, фізіка, матэматыка, польская, англійская і нямецкая мовы вывучаюцца праз беларускую мову. Аплата за курсы размяркоўваецца на арэнду памяшкання і аплату 15 выкладчыкаў, якія ёсць ў штаце. З сакавіка мы набіраем вучняў 10-11 класаў для падтрыхтоўкі да здачы ЦТ. На курсы могуць прыязджаць навучэнцы не толькі з Менска, але і з ваколіц.
Ідзе актыўная праца з мэтай набыцця ліцэнзіі, але для гэтага трэба падрыхта-ваць персанальныя праграмы па 6 накірунках навучання, якія мы будзем прапаноўваць студэнтам.Трэба зрабіць падрабязныя навучальныя планы, прадаставіць спісы выкладчыкаў. Каб атрымаць ліцэнзію, трэба прадаставіць у Міністэрства адукацыіі і іншыя структуры больш чым 30 папер. Кожны тыдзень мы праводзім рэктарат і рухаем справу. Калі паспеем атрымаць ліцэн-зію ў гэтым годзе, то пачнем набіраць студэнтаў з верасня, калі не – то ў наступным годзе. 70 адсоткаў выкладчыкаў павінны быць уладкаваныя па працоўных кніжках. Але працаваць ва ўніверсітэце ахвотна пагаджаюцца кандыдаты і дактары навук сталага веку, якіх вельмі шмат.
Галоўнае, што Універсітэт ёсць, курсы працуюць, – падкрэсліў Алег Трусаў. – Калі мы ездзілі па Беларусі, то пераканаліся, што цікавасць да Універсітэта вялізарная. Нядаўна, калі мы былі ў Барысаве, мясцовая грамадскасць задавала шмат пытанняў наконт Універсітэта. Ахвочыя вучыцца ёсць. Прыватны Універсітэт дае нашмат больш, чым дзяржаўны. У прыватным універсітэце не трэба ствараць камсамол і браць на працу ідэолага, ёсць свае перавагі. Такіх універсітэтаў у нас у краіне 10, і яны здольныя зарабляць грошы. Самае цяжкае – атрымаць ліцэнзію. Дзяржава, хаця не дае ні капейкі, але зацікаўлена, бо ў бюджэт пойдуць грошы. Навучанне будзе ісці па накірунках: бізнес і кампутарныя тэхналогіі, ахова культурнай спадчыны і турызм, літаратурны і мастацкі пераклад, культурало-гія, германістыка, украіна-знаўства, паланістыка. На кожны накірунак мы хочам браць па 60 студэнтаў.
Нядаўна хакеры ўзламалі ўніверсітэцкі сайт, што сведчыць пра неабыякавасць да яго. Зараз яго праца аднаўляецца. Мы адкрылі рахункі Універсітэта ў беларускіх і рускіх рублях, у еўра і далярах. Нядаўна ў ад Асамблеі недзяржаўных ар-ганізацый наш Універсітэт атрымаў узнагароду ў намінацыі “Новая ініцыятыва”. Гэта ўзняла наш прэстыж ва ўсім свеце, бо ў конкурсе ўдзельнічала 57 намінантаў, а ў журы было 112 грамад-скіх лідараў.
Эла Дзвінская,
фота аўтара.
Прыватная ўстанова адукацыі “Універсітэт імя Ніла Гілевіча”
аб’яўляе набор вучняў 10-11 класаў на курсы па праграме падрыхтоўкі да
Цэнтралізаванага тэставання па прадметах:
беларуская мова, англійская мова, нямецкая мова, польская мова, фізіка, матэматыка, хімія, гісторыя Беларусі.
Заняткі праводзяцца на працягу 3 месяцаў, два разы на тыдзень па 90 хвілін.
Пачатак работы курсаў з сакавіка 2019 года па меры фармавання групаў.
Аплата за курс па адным прадмеце складае 150 рублёў за 36 гадзін.
Па пытаннях залічэння на курсы звяртацца па тэл. 8-029-6283359, сп. Эліна.
