У адукацыйных праграмах школ і ВНУ павінна застацца толькі самае патрэбнае, заявіў Аляксандр Лукашэнка, заслухоўваючы даклад пра перспектывы развіцця нацыянальнай сістэмы адукацыі.
Ці трэба сапраўды мяняць адукацыйныя праграмы і ці там насамрэч столькі зараз лішніх, як выказаўся кіраўнік дзяржавы, ведаў?
Настаўніца Ганна Севярынец адказвае «Радыё Рацыя»:
— Лішніх ведаў не бывае, асабліва ведаў, якія выкладзены сістэмна і ўяўляюць комплекс па нейкім прадмеце. Не таму, што дзеці потым у будучыні будуць імі карыстацца, менавіта імперычнымі ведамі. Сёння няма патрэбы запіхваць у галовы імперычныя веды, бо ёсць інтэрнэт. Нават калі потым дзіця ідзе ў лінгвістычным накірунку, калі ён не будзе ведаць матэматыкі, ён не будзе здольны спасцігаць мову, бо мова будуецца па матэматычных законах.
На думку Ганны Севярынец, дзеці не перагружаныя хатнімі заданнямі, а школьных ведаў дастаткова, каб паступіць у ВНУ, не выкарыстоўваючы рэпетытара.
Таксама Ганны Севярынец супраць таго, каб бацькі выконвалі хатнія заданні з дзецьмі, каб тыя атрымлівалі адзнакі ў школе, карыстаючы чужой працай.
Антон Разумоўскі, Беларускае Радыё Рацыя