У Вашым двары высякаюць дрэвы?
У любімым скверы звальваюць смецце?
На зялёнай зоне пад вокнамі ўтварылася паркоўка?
Побач нешта пачынаюць будаваць, а з Вамі ніхто не параіўся?
Давайце рашаць гэтыя і іншыя экалагічныя праблемы разам!
У снежні 2018 года у Фрунзенскім районе Менска пачала дзейнічаць суполка грамадскага экалагічнага руху Зялёны Дазор.
Што мы робім?
Выяўляем выпадкі парушэння прыродаахоўнага заканадаўства;
Дабіваемся ліквідацыі парушэнняў;
Лабіруем інтарэсы і ініцыятывы грамадзянаў у сферы аховы навакольнага асяроддзя;
Арганізуем грамдскія кампаніі;
Вучымся таму, як рашаць экалагічныя праблемы і дзелімся ўласным вопытам.
Хто нам дапамагае?
Каманда вопытных юрыстаў. якія спецыялізуюцца на экалагічным праве;
Эксперты таварыства “Зялёная сетка”.
Калі Вы жадаеце далучыцца да працы суполкі як валанцёр ці проста паведаміць пра экалагічную праблему, калі ласка, пішыце на паштовую скрыню dzianislan@gmail.com ці на старонку Зялёнага Дазору ў сетцы Facebook.
Мы працуем у асноўным у Фрунзенскім раёне, але можам у пэўнай ступені дапамагчы і ў іншых частках сталіцы.
Каардынатар Зялёнага Дазора,
Дзяніс Тушынскі
