У Гародні пачалася святочная акцыя „Таемны Зюзя” 3 гадзіны таму Выдрукаваць Пракаментаваць (0) Падзяліцца Напярэдадні Новага Года кожны ўдзельнік мае магчымасць атрымаць падарунак ад свайго Зюзі. Такі абмен падарункамі ўсляпую сярод гарадзенцаў арганізоўваюць турыстычная фірма «My Travel» і моўныя курсы „Мова нанова Гародня”. Закончыцца акцыя 31-га снежня. Апрача гэтага, ёсць магчымасць дапамагчы – паўдзельнічаць у арганізацыі навагодніх падарункаў для дзіцячага дома ў Панямуні. Кажа Эмілія Комар – выкладчыца курсаў „Мова нанова Гародня”: – Даўно вядомая ідэя. Так робяць у многіх краінах, у многіх арганізацыях і супольнасцях. Была калісьці і ў Гародні такая ідэя. Але тое ж самае мы рабілі і летась. Праўда, тады гэта было больш сярод сваіх, удзельнічала 30 чалавек і атрымалася шыкоўна – усе засталіся задаволеныя. А зараз мы выходзім на новы ўзровень і запрашаем далучыцца ўсіх гарадзенцаў, каб гэта было больш маштабна.
Чытай больш на: https://www.racyja.com/hramadstva/u-garodni-pachalasya-svyatochnaya-aktsyya-ta/
