Сусветны Тыдзень прадпрымальніцтва запрашае на бізнес-канферэнцыю для падлеткаў GURUБудучыні.
14 лістапада ў Мінску, у Нацыянальным выставачным цэнтры БЕЛЭКСПА, у рамках Форума Сусветнага Тыдня прадпрымальніцтва ў Беларусі (GEW Belarus) адбудзецца дзелавая канферэнцыя для падлеткаў GURU Будучыні. Спікеры канферэнцыі – падлеткі, якія займаюцца бізнесам. На галоўнай сцэне Белэкспа юныя прадпрымальнікі і праграмісты будуць прадстаўляць свае праекты і ідэі перад шырокай аўдыторыяй.
Падлеткам і студэнтам на мерапрыемства ўваход бясплатны.
Пачатак канферэнцыі ў 10.00.
Сярод спікераў канферэнцыі Guru Будучыні – стваральнік 3D-друкаркі D3D Даніла Елісееў, Валерыя Яскевіч, папулярная блогерка і спявачка. Пра тое, як падлетку прымяніць тэхналогію блокчэйна, раскажа Мікалай Карнілаў – удзельнік стартапаў Beat-Buy, CreditChain, EventGuru, Голас Будучыні, выпускнік Teen Guru Business Academy і Imaguru Blockchain School. Адзін з удзельнікаў, Цімафей Галянтаў, прайшоў юрыдычную працэдуру эмансіпацыі і з’яўляецца паўнапраўным прадстаўніком сваёй анлайн-крамы. Пра тое, якія прафесіі якія будуць запатрабаваныя ў найбліжэйшай будучыні, а якія знікнуць, раскажа Аміна Ідзігава.
“Юны ўзрост – перавага, а не перашкода для сучаснага бізнесу, – кажа Вераніка Бейзарава, кіраўніца Акадэміі TeenGuru, арганізатара канферэнцыі, – І для пачаткоўцаў бізнесменаў важнае асяроддзе, якое дапаможа развіць усе таленты. Вучням і выпускнікам Бізнес-Акадэміі прадпрымальніцтва TeenGuru, якія выступяць на канферэнцыі, ад 14 гадоў, але яны прадстаўляюць найсур’ёзнейшыя праекты з відавочным камерцыйным патэнцыялам. Прызнанне іх поспеху нароўні з іншымі бізнесменамі, на галоўнай сцэне БелЭкспа – лепшы прыклад і матывацыя да дзеяння для тысячаў падлеткаў нашай краіны “.
Партнёрамі канферэнцыі GURU Будучыні стала кампанія EPAM. Арганізатары – АкадэміяTeenGURU, Imaguru Startup Hub.
