12 лістапада на сайце Радыё Свабода выходзіць Місія «Паліклініка». Гэта гульня накшталт вядомага Супэр Марыё, дзе галоўны герой – пацыент беларускай паліклінікі. Каб дайсьці да канца і выканаць сваю місію – атрымаць накіраваньне на прыём да лекара, – пацыент мусіць пераадолець 5 бюракратычных узроўняў. На яго шляху будуць перашкоды ў выглядзе злых санітараў і бабулек у чэргах. Таксама на кожным узроўні пацыент мусіць зьбіраць талёнчыкі, жэтончыкі ад гэрдораба і колбы для аналізаў. Ці вы дасьце рады ўсім выпрабаваньням беларускай мэдыцыны і ці хопіць вам нэрваў дайсьці да канца гульні?
Гульня будзе даступная у трох моўных вэрсіях – беларускай, ангельскай і расейскай.
