Сябры, 9 лістапада – адкрыццё “МЕСЯЦА ПОЛЬСКАЙ ЛІТАРАТУРЫ”!
Вельмі запрашаем! Уваход вольны!
9 лістапада (пятніца) а 17-ай гадзіне ў Доме Ваньковічаў (Мінск, вул. Інтэрнацыянальная, 33А) адбудзецца прэзентацыя перакладу другой часткі знакамітай “Менскай трылогіі” Сяргея Пясецкага “Гляну я ў аконца…”.
Раман выйшаў у выдавецтве “Логвінаў” пры падтрымцы Польскага Інстытута ў Мінску і Інстытута кнігі (Кракаў), пераклала твор на беларускую мову Марыя Пушкіна.
У размове пра жыццёвы шлях і значэнне творчасці Сяргея Пясецкага возьмуць удзел польскія і беларускія даследчыкі і літаратуразнаўцы – праф. Кшыштаф Палехоньскі (Вроцлаў), праф. Мікалай Іваноў (Аполе), к. ф. н. Таццяна Кабржыцкая і праф. Вячаслаў Рагойша (Мінск).
Прадстаўляць беларускамоўную версію рамана будуць перакладчыца Марыя Пушкіна і ініцыятар перакладу трылогіі на беларускую мову, перакладчык і журналіст Якуб Бернат.
Мадэратар – Андрэй Хадановіч.
