Ужо больш за дзесяцігоддзе ў цэнтры Варшавы гучыць па-беларуску малітва.
У грэка-каталіцкім храме Успення Найсвятой Багародзіцы на вул. Мядовэй, якім апякуюцца украінскія манахі-базыляне, служацца (хоць не часта, але рэгулярна – прыкладна раз у месяц) беларускія багаслужбы.
Прыязджаюць адпраўляць Боскія Літургіі святары Беларускай Грэка-каталіцкай Царквы з розных гарадоў Беларусі. Набажэнствы збіраюць тых беларусаў, якія жывуць на чужыне і маюць прагненне пачуць Божае Слова па-беларуску. Сярод іх ёсць тыя, хто ўжо стала жыве ў Варшаве, а таксама і тыя, хто прыехаў у сталіцу Польшчы на вучобу.
На фотаздымку: а. Андрэй Буйніч, пробашч лідскай парафіі св. Язафата, удзяляе Таямніцу Хросту дзіцяці маладой беларускай сям’і ў Варшаве.
