У калейдаскопе дзён не заўсёды хапае часу, каб спыніцца і ўсвядоміць асаблівасць нейкага імгнення. Так здарылася, што жыхары Новадзявяткавіч Слонімскага раёна, школьнікі і настаўнікі сталі сведкамі важнай падзеі — сустрэчы з графам Альфрэдам Слізнем, сынам апошняга ўладальніка нашай мясцовасці са славутага роду, адзіным яго нашчадкам. Пан Альфрэд прыехаў да нас з дачкой і трыма ўнукамі, каб праз 85 гадоў наведаць мясціны, дзе ён нарадзіўся і жыў пэўны час, перадаць унукам у спадчыну незвычайную і трагічную гісторыю свайго роду.
Глядзі больш
