Адбылася ІІ педагагічная не- канферэнцыя. Чаго было ўдосталь і што адсутнічала цалкам? Было: экстрым, інтрыга, эксклюзіў, феерверк ідэй. Адсутнічалі заарганізаванасць, фармалізм, бюракратызм (ад чаго так пакутуем у школе). Стромна было выйсці і перад публікай прапанаваць сваю ідэю. А потым правесці з высокай трыбуны свой майстар-клас. Інтрыга была ў тым, якія ідэі акажуцца найбольш запатрабаваныя педагагічнай грамадскасцю па выніках галасавання. Эксклюзіў – гэта выступленні Мікалая Запрудскага, Ганны Севярынец, замежных экспертаў. А педагагічных ідэй было шмат, не хапіла магчымасці з усімі азнаёміцца. А яшчэ ўдосталь было павагі і ўвагі настаўніку, чаго дэфіцыт у наш час.
Не-канферэнцыя – гэта маленькая мадэль таго, як найлепшым чынам можа быць уладкавана школа, грамадства. І не трэба баяцца хаосу, бо мы ж ведаем, што “толькі з хаосу нараджаюцца зоркі”. Бывае парадак, народжаны з-пад палкі, а бывае – са свабоды. Віват свабодзе!
Глядзі больш http://www.nastaunik.info/node/16432