Канадскі хірург правёў адважную эксперыментальную працэдуру без анестэзіі – на плюшавым мядзведзяняці.
Нягледзячы на тое, што доктар Даніэль Макнамі ніколі раней плюшавых мядзведзяў ня аперыраваў, ён не змог адмовіць у просьбе хвораму дзіцяці і адначасова ўладальніку сімпатычнага медзведзяняці.
8-гадовы Джэксан Макі па шляху ў аперацыйную спытаў хірурга, ці не можа ён заадно паправіць і яго медзведзяня Малыша.
Джэксан з нараджэння пакутуе ад гідрацэфаліі – назапашвання спіннамазгавой вадкасці, і доктар Макнамі быў адным з яго першых нейрахірургаў.
“Як я мог адмовіць?” – напісаў лекар у “Твітэры” пад фотаздымкамі аперацыі мядзведзя. Яго фатаграфіі перапосцілі каля сямі тысяч разоў.
Маклін дыягнаставаў у мядзьведзя разрыў падпахі і падчас аперацыі апрануў на яго “кіслародную маску”.
Медзведзяня Малыш, нязменны спадарожнік Джэксана, змог нават усміхнуцца і па-стаічнаму перанёс працэдуру.
Джэксан таксама перанёс аперацыю, дзеля якой і апынуўся ў бальніцы.
Доктар Макнамі, які працуе ў Цэнтры здароўя ў Галіфаксе ў Новай Шатландыі, рамантаваў шунт – маленькую трубку, якая дапамагае змыць залішнюю вадкасць з мозгу Джэксана і знізіць ціск.
Сям’я Джэксана кажа, што яны вельмі ўдзячныя лекара, які зрабіў усё магчымае, каб іх сын адчуваў сябе камфортна ў гэты цяжкі перыяд.
“Ён так ганарыўся. Бо яго любімы медзведзяня ляжаў з ім разам на бальнічным ложку”, – распавёў журналістам бацька хлопчыка Рык Макі.
Зараз абодва маленькіх пацыента аднаўляюцца пасля паспяховых працэдур.
