Лаўрэатамі Нобелеўскай прэміі па фізіцы 2018 года сталі амерыканец Артур Эшкін, француз Жэрар Мору і канадка Донна Стрыклэнд - за адкрыцці ў галіне лазерных тэхналогій.
Пры гэтым Стрыклэнд стала толькі трэцяй жанчынай у гісторыі гэтай узнагароды. Папярэдні раз жанчына атрымлівала Нобель па фізіцы 55 гадоў таму.
Яны падзеляць паміж сабой грашовы прыз, які складае 9 млн шведскіх крон (крыху больш за 1 млн даляраў).
Артур Эшкін распрацаваў тэхналогію "аптычнага пінцэта", якая дазваляе пры дапамозе лазернага святла маніпуляваць мікраскапічнымі аб'ектамі.
Мору і Стрыклэнд прыдумалі тэхналогію, якая дазваляе выпускаць кароткія лазерныя імпульсы высокай інтэнсіўнасці.
Нобелеўскую прэмію па фізіцы атрымалі тры распрацоўніка лазераў. Сярод іх ёсць жанчына
