Прыхільнікі незалежнасці Каталоніі перакрылі чыгуначныя шляхі ў Жыроне на поўначы аўтаномнай вобласці ў рамках акцыі пратэсту, прысвечанай гадавіне правядзення рэферэндуму аб незалежнасці.
Сотні пратэстуючых селі на рэйкі і заблакавалі рух хуткасных цягнікоў з Барселоны ў Парыж, а таксама перакрылі аўтамагістраль AP-7, якая праходзіць уздоўж узбярэжжа Міжземнага мора.
Акрамя таго, удзельнікі пратэсту перакрылі вуліцы, якія вядуць у цэнтральную частку Барселоны. На плошчы Каталоніі ў цэнтры горада праходзіць мітынг.
У іншых частках аўтаномнай вобласці таксама праходзяць акцыі пратэсту.
Крызіс у краіне пачаўся з моманту правядзення забароненага цэнтральнымі ўладамі і прызнанага незаконным Канстытуцыйным судом рэферэндуму аб незалежнасці Каталоніі 1 кастрычніка.
90% каталонцаў – з тых 43% насельніцтва правінцыі, якія прыйшлі на выбарчыя ўчасткі – прагаласавалі за незалежнасць ад Іспаніі. Большасць праціўнікаў аддзялення байкатавалі галасаванне.
Тагачасны кіраўнік урада Каталоніі Карлес Пучдемон і іншыя каталонскія лідэры падпісалі дэкларацыю аб незалежнасці, але адразу ж прыпынілі яе дзеянне з тым, каб пачаць перамовы з цэнтральнымі ўладамі.
Пераважная большасць краін не прызналі незалежнасць Каталоніі.
