Пра тое, як Кітай выйграў тэндэр на запуск студэнцкага спадарожніка БДУ, журналістам паведаміў міністр адукацыі Ігар Карпенка. “Спадарожнік будзе выкарыстаны ў навучальных мэтах, яго дадзеныя будуць паступаць у лабараторыі для рэалізацыі розных навуковых праектаў на ўзроўні выкладчыкаў і студэнтаў”, – расказаў міністр. Студэнцкая навука ў Беларусі падтрымліваецца ва ўсіх навучальных установах. Сем ВНУ ўкараняюць мадэль “Універсітэт 3.0”, якая мае на ўвазе камерцыялізацыю навуковых даследаванняў для стварэння новых вытворчасцей і працоўных месцаў, выпуску тавараў з высокім узроўнем дабаўленай вартасці. Ігар Карпенка адзначыў, што Беларусі будзе цікавы вопыт Кітая ў гэтым кірунку. Вывучыць яго плануецца падчас візіту ў КНР дэлегацыі Міністэрства адукацыі. У канцы жніўня ў Пекіне пройдзе чарговае пасяджэнне беларуска-кітайскай групы па адукацыі.
Кітай выйграў тэндэр на запуск спадарожніка БДУ
