Некалькі гадоў таму брэнд Pedigree у Новай Зеландыі запусціў радыёстанцыю K9FM для сабакаў. Праз чатыры гады свая хваля з’явілася і ў котак — супольнымі высілкамі яе стварылі Whiskas і BBDO Toronto.
Калі вы думаеце, што на пытанне «Навошта?» крэатыўная каманда адкажа нешта накшталт «Каб было», вы мыляецеся. У новай інтэрнэт-радыёстанцыі ёсць важнае практычнае значэнне — супакойваць катоў у аўтамабілі.
Вядома, што большасць катоў выпрабоўваюць стрэс, знаходзячыся ў дарозе, а кантэнт радыёстанцыі дапаможа любым гадаванцам супакоіцца і лягчэй перанесці падарожжа.
Для стварэння музыкі, якая будзе гучаць на радыёстанцыі, быў запрошаны кампазітар Дэвід Тэі. У «каціную музыку» ён пайшоў ужо больш за 10 гадоў таму. Адмысловая віртуальная прылада дазваляе Дэвіду сінтэзаваць гукі на розных частатлiвасцях для дасягнення прыемнага кацінаму вуху гучання.
