15 чэрвеня ў аграгарадку Ганчары адбыўся традыцыйны конкурс ручной касьбы “Звініць каса – жыве вёска”
13 касцоў з розных куткоў Лідскага раёна спаборнічалі ў валоданні майстэрствам ручной касьбы як старажытным беларускім рамяством. Адбыліся цікавыя майстар-класы па кляпанні касы, зборцы і разборцы касы, пляценні травяных лялек-абярэгаў.
…А яшчэ песні і танцы, пачастунак ад гасцінных гаспадароў і шэраг разнастайных лакацый для фотаздымкаў.
Святочны настрой на працягу ўсяго свята стваралі знакамітыя калектывы Лідчыны: Заслужаны аматарскі калектыў Рэспублікі Беларусь вакальна-інструментальны ансамбль “Шкляры”, Народны сямейны ансамбль Парфенчыкаў “Мы з вёскі-калыскі”, Народны фальклорны гурт “Талер”.
Выдатнае надвор’е, водар лета і вёскі…
У гэты дзень усё спрыяла добраму святу!
Наш кар.
