Каляды
У стылым небе засынае вецер,
Стала ціха ў садзе і ля дома,
І ўглядаюцца ў акенца дзеці,
Зорку выглядаючы, вядома.
Гэты вечар самы найчароўны;
І няхай віхура і мароз,
На душы так ціха, памяркоўна –
Зараз нараджаецца Хрыстос!
І Анёл святло нясе па свеце:
Усім, хто свята верыць, і чакае.
Мандарыны, санкі малым дзецям,
А дарослым – філіжанкі з чаем…
І на сэрцы светла і прыветна…
А калі ўсё ж цені над душой –
То сняжынка на тваіх павеках
Расплывецца цёплаю слязой
Алена Піменава.
