Наша Слова штодзень
Наша Слова штодзень
Share
You are reading
Выйшлі з друку “Выбраныя творы” Пятра Васючэнкі

Выйшлі з друку “Выбраныя творы” Пятра Васючэнкі

9 верасня 2021, 21:34 Выданні 5
Выйшлі з друку “Выбраныя творы” Пятра Васючэнкі

У знакамітай серыі “Беларускі кнігазбор” у Менску свет пабачылі “Выбраныя творы” таленавітага беларускага літаратуразнаўца, крытыка, празаіка, драматурга, эсэіста, казачніка, педагога, кандыдата філалагічных навук Пятра Васючэнкі (1959-2019). Вялікі том Пятра Васючэнкі склалі раздзелы “Проза”, “Драматургія”, “Літаратуразнаўства” і “Дадатак” (Успаміны).

У раздзеле прозы і драматургіі чытачы з цікавасцю прачытаюць апавяданні Пятра Васючэнкі, казачную аповесць “Прыгоды паноў Кубліцкага ды Заблоцкага”, раман-бурлеск “Дванаццаць подзвігаў Геракла”, п’есы “Прысуд адкладваецца” і “Паэт і дзяўчынка”. Літаратуразнаўчыя артыкулы Пятра Васючэнкі, якія ўвайшлі ў кнігу, прысвечаныя “Тарасу на Парнасе” Канстанціна Вераніцына, мастацкім таяніцам Якуба Коласа, сімвалізму Максіма Багдановіча, мастацкім адкрыццям Вацлава Ластоўскага, трагікамедыі “Тутэйшыя” і камедыі “Паўлінка” Янкі Купалы, містычнаму падарожжу Мацея Бурачка (Францішка Багушэвіча), а таксама даследаванні пра Яна Баршчэўскага, Уладзіміра Караткевіча, Алеся Гаруна і г.д. У кнізе надрукаваныя светлыя ўспаміны пра Пятра Васючэнку Лявона Баршчэўскага і Ніны Здановіч. Дарэчы, Ніна Здановіч з’яўляецца таксама ўкладальніцай “Выбраных твораў” разам з Кастусём Дуброўскім. Яна зрабіла і каментар да твораў. А прадмову да аднатомніка напісала Ірына Бурдзялёва. Нагадаем, што Пятро Васючэнка быў родам з Полацка. Яго раптоўна не стала ў жніўні 2019 года на 61 годзе жыцця.

Сяргей Чыгрын.

Facebook Twitter Google+ VKontakte WhatsApp Telegram
Папулярнае на сайце
Зварот ТБМ да бацькоў
ТБМ

Зварот ТБМ да бацькоў

1 чэрвеня 2021, 07:0932
ЦУКЕРКІ ЯНКІ КУПАЛЫ
Культура

ЦУКЕРКІ ЯНКІ КУПАЛЫ

25 мая 2022, 07:3229
Выйшаў Гарадзенскі перакідны краязнаўчы каляндар на 2022 год
Выданні

Выйшаў Гарадзенскі перакідны краязнаўчы каляндар на 2022 год

28 снежня 2021, 23:2329
Верны паслядоўнік навукова-асветніцкіх традыцый  Ф. Скарыны застанецца ва ўдзячнай памяці нашчадкаў
Грамадства

Верны паслядоўнік навукова-асветніцкіх традыцый Ф. Скарыны застанецца ва ўдзячнай памяці нашчадкаў

17 студзеня 2022, 21:5825
Далучайцеся да нас