20 Траўня 2021 г. у знак скрухі і памяці пра загінулых пад Баранавічамі лётчыкаў 116-й штурмавой авіябазы ля памятнага знака ваярам-авіятарам – самалёта-штурмавіка СУ-25 – былі ўскладзены кветкі. Удзел у цырымоніі прыняў старшыня Лідскага раённага выканаўчага камітэта Сяргей Ложачнік, яго намеснікі, прадстаўнікі грамадскіх арганізацый, гараджане. Лідзяне ўшанавалі памяць гераічна загінулых авіятараў маёра Андрэя Нічыпорчыка і лейтэнанта Мікіты Куканенку.
Развітанне з героямі пройдзе ў Лідзе 21 траўня з 9.00 да 11.00.
Пахаваюць маёра Андрэя Нічыпорчыка ў Лідзе, а лейтэнанта Мікіту Куканенку ў Полацку.
Тэкст: Лілея Лапшына.
