Жывы выступ у тэлеэфіры — апошняе выпрабаванне пасля трох этапаў конкурсу маладых выканаўцаў «Заспявай-6». У самым пачатку іх было 43, у фінал выйшлі толькі чацвёра.
І менавіта гледачы вырашаць, хто з гэтых чатырох выканаўцаў атрымае адну з пачэсных узнагародаў — прыз глядацкіх сімпатыяў. LEAR, «юность», Марыя Чапрасава ці «PyLai»?
Песні, якія гучаць у праграме:
- Lear — «Планета знасіла сваю арбіту» (музыка Валерыі Суравіцкай, словы Віталя Рыжкова)
- «юность» — «Вяртайся» (музыка Георгія Давыдзяна і Івана Тамілы, словы Віталя Рыжкова)
- Maria Cheprasova — «Горад вёсак» (музыка Марыі Чапрасавай і Кірыла Даншына, словы Антона Рудака)
- «PyLai» — «Мафія» (музыка Рыгора Лайкова і Уладзіміра Пыльчанкі, словы Віктара Жыбуля)
На канале ў YouTube можна паслухаць музычную частку праграмы. У поўнай ж версіі, якая размешчана ў суполках BML у Facebook і Укантакце, фіналісты «Заспявай-6» у размове з Міраю Шульц распавядаюць пра сябе, сваю творчасць і тое, як конкурс памяняў іх жыццё. У канцы выпуску вы даведаецеся імя пераможцы конкурсу па меркаванні журы, але лёс прыза глядацкіх сімпатый яшчэ не вырашаны.
