З вясны наступнага года ў Мінск будзе лётаць венгерскі лоўкост Wizz Air. Пра гэта tut.by паведаміў дырэктар Дэпартамента па авіяцыі Міністэрства транспарту і камунікацый Беларусі Арцём Сікорскі. Пра Гродна гаворка пакуль няма.
Па словах дырэктара дэпартамента, авіяцыйная адміністрацыя Венгрыі хоча падпісаць з Беларуссю адпаведны мемарандум. Плануецца, што лоўкост будзе лётаць па маршруце Будапешт – Мінск з вясны 2020 года штодня. Іншыя маршруты, напрыклад, у абласныя гарады Беларусі або ў іншыя сталіцы ЕС, сказаў Арцём Сікорскі, пакуль не абмяркоўваліся.
Wizz Air працуе галоўным чынам на рынку Цэнтральнай Эўропы, флот кампаніі налічвае 105 самалётаў. Вугорская авіякампанія лётае ў многія гарады Еўропы. Напрыклад, з Вільнюса авіякампанія дастаўляе пасажыраў на Кіпр, у Грэцыю, Германію, Данію, Ісландыю, Ізраіль, Нарвегію і іншыя краіны. Напрыклад, цяпер у Барселону можна купіць квіток з Вільнюса на 3 верасня за 120 еўра, білет назад на 10 верасня будзе каштаваць каля 50 еўра.
У канцы сакавіка ў Міністэрстве транспарту і камунікацый казалі: зацікаўлены, каб лоукосты прыйшлі ў абласныя гарады Беларусі.
У ведамстве паведамлялі, што прынятая канцэпцыя развіцця абласных аэрапортаў, якая мае на ўвазе стварэнне лоўкост-базы на тэрыторыі гродзенскага аэрапорта. Тады ж казалі і пра перамовы з пасольствам Венгрыі для прыцягнення Wizz Air ў аэрапорт Гродна. Аднак наконт тэрмінаў чыноўнікі адказаць не змаглі.
больш тут
