У гэтую пятніцу і суботу (19-20 ліпеня), пры жудаснай спякоце (тэмпература падымалася да 37*С) у Беларуска-Амэрыканскім цэнтры у Саўт Рывары (South River), штат Ню-Джэрсі (New Jersey), побач з Беларускай Царквой Сьвятой Ефрасіньні Полацкай прайшла беларуская талака па рэстаўрацыі помніка Беларускім Змагарам, які быў усталяваны у далекім 1974 годзе беларускай дыяспарай першай паваеннай іміграцыі.
Вялікі дзякуй сапраўдным беларусам з Філадэльфіі, якія без лішніх пытанняў, атрымаўшы дазвол ад царкоўнага камітэту і удакладніўшы дызайн рэстаўрацыі, на працягу двух дзен выканалі гэтую складаную працу: Дзяніс Дземчанка, Сяргей Мядзьведзяў, Вадзім Васільеў, Зьміцер Грык. Таксама не засталіся абыякавымі беларусы Ню-Ёрку з Катэдральнага Сабору Святога Кірылы Тураўскага, каторыя у суботу дапамаглі прыбраць тэрыторыю ля помніка, павысякалі дрэвы і кусты, пакасілі траву і пустазельле, набылі і павесілі сцягі. Вялікая падзяка спадарам Лявону Анацку, Валеру Мінец, маладым беларусам Андрусю і Віктару. Таксама вялікая падзяка спадару Юрку Навумчыку, спадару Зянону Пазьняку, сям’е Тацьцяны і Валянціна Дзямешчыкаў.
Жыве Беларусь!
