Прадстаўнікі “ВелаГродна” разам з літоўскім клубам LKA 19 ліпеня пераадолелі першыя 1000 км па Балтыйскім узбярэжжы. Спыніліся каля мяжы з Германіяй.
Стартавалі велааматары 6 ліпеня ў цэнтры Вільні ў Дзень дзяржаўнасці Літвы. Стартавала 37 чалавек, сярод іх 4 гродзенца. 19 ліпеня група пераадолела першы этап у Свінауйсце [горад у Заходне-Паморскім ваяводстве Польшчы – рэд.].
«Пераадолелі больш за 1000 км за 14 дзён. Паездка прайшла добра, хто планаваў праехаць поўны маршрут, той праехаў, – распавядае прадстаўнік “ВелаГродна” Андрэй Шавель. – Ці будзем мы ўдзельнічаць у наступных этапах, пакажа час. Шмат што залежыць ад кошту і часу. Такія велатуры арганізоўваюць нашы літоўскія калегі, будзем чакаць ад іх інфармацыю».
Усяго літоўцы плануюць арганізаваць 5 этапаў па 1000 км і так аб’ехаць Балтыйскае мора.
больш тут
