Напярэдадні Вялікадня патрыёты Лідчыны ў чарговы раз завіталі ў вёску Суботнікі Івейскага раёну на радзіму вядомага палітыка, выбітнага беларуса і нацыянальнага лідэра Беларусі – Зянона Станіслававіча Пазьняка.
Пабывалі на яго бацькоўскай сядзібе, якая іх высілкамі падтрымліваецца ў годным стане. Наведалі мясцовыя могілкі дзе 7 год таму (22 красавіка 2012 года) нашла свой вечны супакой маці сп. Зянона Пазьняка, Ганна Аўхімаўна. Прыбралі магілку і надалі помніку прывабны вонкавы выгляд, запалілі зніч.
24-га красавіка Зянону Станіслававічу спаўняецца 75 год.
У сувязі з гэтым патрыёты Лідчыны вітаюць яго і шчыра віншуюць з гадавінай Дня народзінаў! Зычаць моцнага здароўя, бадзёрасці і творчага плёну. А таксама перадаюць шчырыя словы падзякі за ўсю плённую працу ў беларускай справе, якой працягвае аддаваць сябе дзеля будучыні Бацькаўшчыны!
