Адразу два рэзідэнта Парка высокіх тэхналогій названы самымі інавацыйнымі ў свеце на выставе CES 2019 у Лас-Вегасе
Беларускія стартапы Teslasuit і Flo сталі лаўрэатамі Innovation Awards ад арганізатараў найбуйнейшай тэхналагічнай выставы CES. На пляцоўцы ў Лас-Вегасе ўпершыню дэманстраваліся прадукты, якія затым змянілі свет: ад відэамагнітафонаў і камер да гульнявых прыставак і CD.
Разумны касцюм Teslasuit перамог у катэгорыі віртуальнай і дапоўненай рэальнасці.
Сэрвіс маніторынгу жаночага здароўя Flo выйграў у намінацыі «Праграмнае забеспячэнне і мабільныя дадаткі».
«Мы вельмі шчаслівыя і рады атрымаць такое прызнанне. CES — адно з самых яркіх прафесійных мерапрыемстваў, якое аб’ядноўвае лепшыя розумы і ідэі тэхналагічнай індустрыі», — адзначыў генеральны дырэктар Flo Дзмітрый Гурскі.
