Кітайскі касмічны зонд паспяхова сеў на адваротным баку Месяца. Гэта важнае дасягненне для краіны, якая ўпершыню адправіла чалавека ў космас у 2003 годзе. У бліжэйшыя гады Кітай плануе запусціць шматразовую ракету-носьбіт і ўвесці ў эксплуатацыю касмічную станцыю – канкурэнта МКС.
Праграма “Чанъе” атрымала назву ў гонар багіні Месяца з кітайскай міфалогіі. Першы апарат гэтай серыі быў запушчаны на месяцовую арбіту ў 2007 годзе. Кульмінацыяй праграмы павінен стаць пілатуемы палёт на Месяц да 2036 года.
Апарат “Чан’э-4” сеў на Месяцы ў басейне Паўднёвы полюс-Эйткен – адным з найбуйнейшых кратэраў Сонечнай сістэмы.
Мяккая пасадка на адваротным баку Месяца – няпростая задача, бо Месяц блакуе прамую сувязь паміж касмічным апаратам і Зямлёй. Таму для поспеху місіі “Чан’э-4” паміж Зямлёй і Месяцам быў запушчаны спадарожнік-рэтранслятар.
“Чан’э-4” абсталяваны абсталяваннем для даследаванняў геалагічных параметраў Месяца. Таксама на яго борце знаходзяцца насенне раслін і лічынкі шаўкапрада.
