Памятайце: Святы Мікалай разумее толькі па-беларуску!
Сябры! Спяшаемся паведаміць вам тэрміновую навіну! З намі звязаўся Святы Мікалай і сказаў, што гатовы адказаць на лісты, якія беларускія дзеткі (самі ці разам з бацькамі) напішуць яму з дапамогай сайта “Мова Нанова”. Але Святы Мікалай прасіў папярэдзіць, што ён разумее толькі па-беларуску! І адказы, натуральна, таксама адпраўляе на беларускай мове.
Падарункаў наш Святы Мікалай не абяцаў — ён жа не ведае, як хто з дзетак паводзіў сябе ў гэтым годзе. Але адказаць лістом абяцаў кожнаму.
Дык пішыце!
Лісты прымаюцца да 20 снежня ўключна! Адказу чакайце пад Каляды!
