Андрэй Багдановіч
Забываюся
Забываюся родную мову,
Нават думаю ўжо па-руску.
І душа, што была шырокай,
Усё больш становіцца вузкай.
Забываюся родную мову
І губляю свае корні.
Усё часцей, як успомню гэта –
Горкі смутак душу агорне.
Забываюся родную мову
І губляю душу праз гэта.
Невыносна баліць і стогне
Маё чулае сэрца паэта.
Забываюся родную мову
І Радзіму сваю забываю.
Як сляпы я ў цемры блукаю,
Але мовы губляць не жадаю!!!
