Замест «чорнай пятніцы» беларускія дызайнеры абвясцілі пра «чырвоную» і запрашаюць усіх з 23 па 30 лістапада ў свае шоўрумы на рэкордныя распродажы.
Гэта першая падобная акцыя, калі рэчы топавых беларускіх брэндаў можна набыць са зніжкай да 30%. Забраць па найлепшай цане сумачку ад Віталіны Гардзіеўскай ці сукенку ад Івана Айплатава можна па промакодзе «Чырвоная карта». Сачыць за новымі зніжкамі зручна ў інстаграм-акаўнтах дызайнераў, поўны спіс можна знайсці па хэштэгу #краснаяпятница.
За апошнія некалькі гадоў беларуская мода зрабіла якасны скачок. Новыя імёны і шоўрумы адкрываюцца кожны месяц, беларускія брэнды прадстаўлены на подыумах па ўсёй Еўропе, а мясцовыя дызайнеры атрымліваюць кампліменты ад Эвяліны Хромчанка і Рэнаты Літвінавай.
У той жа час усяго за пару гадоў у Мінску свае крамы адкрылі практычна ўсе вядомыя брэнды мас-маркету. Напярэдадні «чорнай пятніцы», калі сусветныя сеткі ладзяць распродажы, а самыя адчайныя шапаголікі бяруць па дзве пары аднолькавых ботаў праз нізкія кошты, беларускія дызайнеры аб’ядналіся ў «прафсаюз», каб супрацьстаяць такому засіллю мас-маркету. І паказаць, чаму можна і трэба купляць сваё. Яны прапанавалі максімальныя зніжкі на свае рэчы і запрасілі з 23 па 30 лістапада па пакупкі.
Глядзі больш
